Номинал юк кўтариш қобилияти 8 тонналик N280/1 гўнгсочгичи. Бу – листсимон рессорларга эга тандем турида бўлиб, олдинга букилган тўрт барабанли вертикал адаптер билан жиҳозланган, у ўғитнинг бир текисда, кенг сочилишини кафолатлайди.
Барабанлар жуфтликда, қарама-қарши ҳаракатда айланадилар. Уларнинг ҳар бири иш пайтида машина вибрациясини минималлаштириш учун мувозанатланган. Алмашувчан бураладиган тишлар қўлланилган, улар юқори сифатли пўлатдан тайёрланган. Адаптернинг ҳимоя тўсиғи орқа девор кўтарилганда автоматик юқорига кўтарилади.
Тракторга бириктириш созланувчан қуйи бириктиргич ёрдамида амалга оширилади.
Узатмани ҳимоялаш учун муҳофазаловчи фрикциявий муфта қўлланилади.
Стандарт ҳолатда машина гидравлик кўтариладиган, қуйи томони зичлашган орқа қопқоқ билан жиҳозланган, у ташиш пайтида материал сочилиб кетишидан асрайди. Қўшимча равишда, қопқоқ фаолиятининг бир текисда бўлишини таъминлаш учун, занжирли синхронизатор ишлатилади.
Машинани бошқариш икки секцияли ёки бир секцияли гидравлика ва Боуден-трослар ёрдамида амалга оширилади, бу бир вақтнинг ўзида гидравлик узатма орқали бошқариладиган бошқа қурилмалар (масалан, олд юк ортгич)ни ҳам тракторга улаш имконини беради.