RSM 1401 ем-хашак ўрувчи комбайни.
Комплектацияда:
- GH 500R ўт ўриш ўроқ машинаси
- KEMPER 445 роторли маккажўхори ўроқ машинаси
Комбайн янчиш машинасидан қолган сўлиган массани йиғиш ёки ўриш, силосбоп экинлар, шу жумладан, донлар сутли етилган давридаги маккажўхори, кунгабоқар, ва бошқа дағал пояли ўсимликлар, кўп йиллик ва бир йиллик ўтлар ва аралашмаларни, жўхорини майдалаш ҳамда уларни транспорт воситасига ортиш учун мўлжалланган.
РСМ 1401 русумли комбайн мустаҳкам 4 жўвали таъминловчи аппарат билан жиҳозланган. Массани 4 хил тезликда етказиб берувчи ушбу аппарат, 4-7-10-17 мм га тенг бўлган турли ўлчамларда майдаланган маҳсулотларни олишга имконият яратади.
Стандарт комплектацияда тош ва металл детекторлари ўрнатилган. Ушбу ускуналар комбайн ишга тушиши билан автоматик равишда ҳаракатга келиб, ем-хашак маҳсулотларига бегона маҳсулотларнинг киришига йўл қўймайди. Олдинги юқори ва олдинги пастки жўвалар ўртасидаги масофа 24 ммга тенг. Бундай масофа, металли жисмларни аниқлайдиган кўп зонали металл детектори ишининг самарасини оширади.
Трактга метал ёки тош парчалари тиқилиб қолса, ҳимоя датчиги ишга тушиб, масса етказиш жараёнини автоматик равишда тўхтатади. Бегона жисмни олиб ташлаш жараёнини таъмнлагич жўваларининг гидромеханик реверсив ҳаракати орқали амалга оширилади, бу жараён кабинадан бошқарилади.
Вақтни тежаш мақсадида ва ҳар ойлик техник хизмат кўрсатишнинг янада қулай бўлиши учун, комбайннинг базавий комплектациясига пневматик тизим ҳам киритилган. У сиғими 100 литр бўлган ресивер ҳамда босимни 4 бардан 8 баргача диапазонда тутиб турувчи компрессордан иборат.
РСМ 1401 русумли комбайн Comfort Cab ҳайдовчилик кабинаси билан жиҳозланган. Унинг базавий комплектациясига иқлим тизими, совуткич камера, қуёшдан сақлайдиган дарпарда ҳамда аудиотайёрлаш тизими киради.
Ҳайдовчининг иш жойи барча замонавий эрогономика талабларига жавоб беради ва операторнинг ишлаши учун юқори даражада қулайликни таъминлайди.
Бошқарув органлари ўриндиқнинг ўнг томонидан шундоқ қўл остида – панелда ва эргономик жойстикда жойлашган.
Борт компютери рўй бераётган жараённинг параметрлари ҳақидаги маълумотни автоматик равишда мониторда акс эттиради. Кабинанинг гир айлана ойнали эканлиги кўриш бурчагини кенгайтиради.