Биз хакимизда

“Promzona.uz” компанияси ахборот-саноат портали сифатида, 2010 йил 1 февралда ташкил этилган.

Ушбу интернет ресурси махсус ускуналар ҳамда саноат техникасини сотиш учун универсал савдо платформаси саналади.
2010 йилда миллий домен бўйича ўтказилган “UZ 2010” Интернет-фестивалида биз "Тармоқ хизматлари соҳасидаги энг яхши wеб-сайт" сифатида 2- ўринни эгалладик. Бугунги кунда “Promzona.uz” сайтимиз муваффақиятли иш олиб бориб, Интернет орқали Ўзбекистонда бизнеснинг ривожланишига катта ҳисса қўшиб келяпти.
 

Ўзининг фаолият турини саноат ва техник (озиқ-овқат, қандолат, гўшт ҳамда сут маҳсулотларини қайта ишлаш) жиҳозлар етказиб беришдан бошлаган компания B2B савдолари учун керакли тажриба ва маҳоратга эга бўлди.

Ушбу тажриба эса 2012 йилда тор ихтисослаштирилган соҳага юзланишга имкон берди. Шу пайтдан бошлаб корхона фаолияти қишлоқ хўжалиги техникасини етказиб беришга қаратилди, 2015 йилдан эса компания қурилиш ҳамда махсус техникани етказиб бериш билан муваффақиятли шуғулланмоқда.

Бугунги кунда “PROMZONA.UZ” корхонаси сезиларли натижаларга эришиб, танлаган йўналишида кучли ривожланиш тенденциясига эга бўлиб келмоқда.

“2017 йил охирига қадар, қишлоқ хўжалиги, қурилиш ҳамда махсус техника ускуналарини сотиш ва етказиб бериш бўйича Ўзбекистон Республикасида биринчи рақамли компанияга айланиш” шиорига амал қилган ҳолда, биз ўз фаолиятимизни таклифларни кенгайтириш ҳамда ходимларимиз касбий маҳоратини оширишга йўналтирмоқдамиз.
 

Корхонамизнинг миссияси “PROMZONA SHOWROOM” кўргазмалар залида  қурилиш, қишлоқ хўжалиги ҳамда махсус техникаларнинг кенг кўламини тақдим этиш орқали, мижозларимизнинг эҳтиёжини тўлиқ қондириш; мижозларимизга кенг кўламли, кафолатланган ва сифатли хизмат кўрсатиш орқали, Ўзбекистон Республикасининг иқтисодий ўсиши ҳамда фаровонлигини оширишга кўмаклашишдан иборат.

Компания раҳбарияти ходимларининг меҳнати  ва корхонага қўшган ҳиссаларини юксак даражада қадрлаб, мунтазам равишда тренинглар ва малака оширишлар ташкил этади. Биз ихтисослаштирилган кўргазмалар ҳамда профессионал йўналтирилган тадбирларда фаол иштирок этиб, ходимлар ва мутахассисларимизнинг малакасини оширамиз, бу билан, саноат соҳасидаги ҳамкорлар ҳамда потенциал мижозлар эътиборини жалб этамиз.
 
“PROMZONA.UZ” компанияси, ташкил топган кунидан бошлаб бугунги кунгача, ўзининг сотиладиган маҳсулотлари рўйхатини: тракторлар, юк ташувчилар, пресс-йиққичлар, культиваторлар, тупроққа ишлов бериш агрегатлари, фронтал юк ортгичлар, грейдерлар, автокранлар, экскаваторлар, автоғалтакли машиналар, юк кўтарувчи автокарлар, самосваллар ва шу каби бошқа техника ҳисобига сезиларли даражада бойитди.
  

“PROMZONA.UZ” компанияси, Ўзбекистон бозоридаги фаолияти давомида, юқори натижаларга эришди ва келгуси ривожланиш йўналишларини аниқ тасаввур этган ҳолда, танлаган йўналиши бўйича тўхтовсиз ҳаракат қилмоқда.

Бу жойда янги бино қурилиши туфайли БИЗ КЎЧМОҚДАМИЗ.



Бизнинг янги манзилимиз:
Тошкент, Сергели тумани, Ҳалқа йўли ва Янги Сергели кўчалари кесишуви.
Мўлжал: Сергели кўприги

• Корхона янгиликлари >>>
  
• Техника янгиликлари >>>
  
• Мақолалар >>>
  
• Мулоҳазалар >>>
  
• Интервью >>>